🎓போக்சோ (POCSO) சட்டம் எங்கு புகார் அளிக்க வேண்டும்?

18 வயதுக்குட்பட்ட அனைத்து குழந்தைகளும் பாலின வித்தியாசமின்றி பாலியல் துன்புறுத்தலில் இருந்து காப்பதற்கு

போக்சோ சட்டம் 2012ஆம் ஆண்டு முதல் செயல்பாட்டில் இருந்து வருகிறது.

குழந்தைகளுக்கு எதிரான செயல்களில் ஈடுபட்டவர்கள் கடுமையாக தண்டிக்கப்பட வேண்டும், குழந்தைகள் பாதுகாக்கப்பட வேண்டும் என்பதே போக்சோ சட்டத்தின் நோக்கம்.

இச்சட்டத்தின் மூலம் பதிவு செய்யப்படும் வழக்குகள் 3 மாதங்களுக்குள் விசாரணை நடத்தி முடித்து குற்றம் செய்தவருக்கு தண்டனை வழங்க வேண்டும்.

நம் நாட்டில் மொத்த மக்கள் தொகையில் கிட்டதட்ட 42% குழந்தைகள் உள்ளனர். ஒரு நாட்டின் எதிர்காலத்தை நிர்ணயிப்பவர்கள் குழந்தைகள்தான். ஆனால் அவர்களுக்கு பாதுகாப்பான சூழலை உருவாக்க தவறிக்கொண்டிருக்கிறோம் என்பதே கசப்பான உண்மை.

குழந்தைகள் அவர்களுக்கு முகம் தெரிந்த மற்றும் தெரியாத நபர்கள் என்று பலதரப்பட்ட மக்களால் பாலியல் துன்புறுத்தலுக்கு ஆளாகின்றனர் என்பது வேதனைக்குரிய விஷயம்.

68% குழந்தைகள் அவர்களுக்கு முகம் தெரிந்த நபர்களால் வன்கொடுமைக்கு ஆளாகின்றனர் என்பது அதிர்ச்சி அளிக்கிறது.

நம் நாட்டில் ஒரு நாளைக்கு சராசரியாக 350 குற்றங்கள் குழந்தைகளுக்கு எதிராக நடப்பதாகவும், 2015ஆம் ஆண்டு முதல் குழந்தைகளுக்கு எதிரான குற்றங்கள் தொடர்ந்து அதிகரித்து வருவதாகவும், 2019ஆம் ஆண்டு மட்டும் குழந்தைகளுக்கு எதிரான குற்றங்கள் 33.2% அதிகரித்துள்ளதாகவும் புள்ளி விவரங்கள் தெரிவிக்கின்றன.

ஒரு குழந்தை வன்கொடுமைக்கு உள்ளாகும் போது அவர்களின் வாழ்க்கை கடுமையாக பாதிக்கப்படுகிறது. மேலும், உடல் மற்றும் உளவியல் ரீதியாக தாக்கத்தை ஏற்படுத்துகிறது.

ஒரு குழந்தை உங்களிடம்..

அந்த அண்ணா என்னிடம் ஒரு மாதிரி நடந்துக்குறாங்கனு சொல்றாங்க என்று கூறினால்.. அதற்கு நீங்கள் என்ன சொல்வீர்கள்?

அப்படியாம்மா?.. இனி அந்த அண்ணாகிட்ட எல்லாம் பேசாத.. சேராதன்னு சொல்வீங்க.. கரெக்டா?..

சந்தேகமே வேண்டாம்! போக்சோ சட்டம் 21ன் கீழ் உங்களுக்கு 6 மாத சிறை தண்டனை அல்லது அபராதம் அல்லது இரண்டும் சேர்த்து விதிக்கப்படும்.

என்ன அதிர்ச்சியாகிவிட்டீர்களா?

ஒரு குழந்தை உங்களிடம் தனக்கு நடக்கின்ற பாலியல் தொந்தரவை சொன்னால் நீங்கள் என்ன செய்ய வேண்டும்? அதை கண்டிப்பாக சட்டம் 19ன் கீழ் புகார் செய்ய வேண்டும்.

யாரிடம் புகார் செய்ய வேண்டும்?

உங்கள் வீட்டிலிருந்தே இந்த 1098 எண்ணிற்கு கால் செய்தால் அந்த குழந்தையை போக்சோ சட்டம் காப்பாற்றிவிடும்.

ஆனால், அந்த குழந்தை உங்களிடம் சொல்லியும் நீங்கள் நமக்கெதுக்கு-ன்னு கண்டுகொள்ளவில்லையெனில் என்ன நடக்கும் தெரியுமா?

அந்த குழந்தைக்கு நடந்த கொடுமை காவல்துறைக்கு போய் அந்த குழந்தையை போலீஸ் விசாரிக்கும்போது, இதுக்கு முன்னாடி இத யாரிடமாச்சும் சொல்லிருக்கியாமானு? கேட்டு, அந்தக்குழந்தையும் உங்க கிட்ட சொன்னதா போலீஸ் கிட்ட சொன்னாங்கனு வச்சிக்கோங்க.. சட்டத்தின்படி குழந்தைகளுக்கு எதிரான பாலியல் குற்றத்தை மறைத்ததால் நீங்களும் தண்டனைக்கு உள்ளாக நேரிடும்.

உங்கள் வீட்டிலும் 18 வயதிற்குட்பட்ட குழந்தைகள் உள்ளார்கள். ஒரு நிமிடம் அவர்களை நினைத்துப் பாருங்கள். யாருக்கோ.. எங்கோ.. என்னமோ நடக்குது.. நமக்கென்ன.. என அலட்சியப்படுத்தாதீர்கள். இந்த பிரச்சனை உங்கள் வீட்டு வாசலிலும் காத்திருக்கலாம்..